នៅពេលដែលខ្ញុំបាន លឺអំពីប្រទេសជប៉ុន និងអ្វីៗគឺមានគុណភាព ខ្ញុំក៏បានសំរេចចិត្តចូលរួមជាមួយមន្ទីរពេទ្យជប៉ុនសាន់រ៉ាយស៍នេះ ព្រោះខ្ញុំគិតថាខ្ញុំអាចបង្កើនជំនាញរបស់ខ្ញុំដោយស្រូបយកចំណេះដឹងពីជនជាតិជប៉ុនជាមួយនិងបច្ចេកវិទ្យាទំនើប។ ជាការពិត វាមានភាពខុសគ្នាខ្លាំងរវាងប្រទេសកម្ពុជានិងជប៉ុន រួមមានចំណេះដឹង របៀបរស់នៅ វប្បធម៌ និងភាសា។ ល។ ពេលនេះខ្ញុំទទួលបាននូវបទពិសោធន៍ថ្មីជាច្រើនក្រៅពីជំនាញមន្ទីរពិសោធន៍ខ្ញុំអាចយល់ពីការងារដែលមាននៅក្នុងមន្ទីរពេទ្យជាពិសេស សម្រាប់នីតិវិធីនៃការវះកាត់ការពិនិត្យរាងកាយ ផ្សេងទៀតដូចជា អ៊ុលត្រាសោនទូទៅ ECG, EEG, ABI, ការវាស់សម្ពាធភ្នែក និងត្រចៀកជាដើម។

ខ្ញុំពិតជារីករាយក្នុងការធ្វើការនៅមន្ទីរពេទ្យនេះណាស់ ។ជាមួយមិត្តរួមការងារដ៏សប្បាយរីករាយរបស់ខ្ញុំ។ ក្នុងនាមខ្ញុំជាអ្នកបច្ចេកទេសមន្ទីរពិសោធន៍វេជ្ជសាស្ត្រ គឺផ្តល់លទ្ធផលរហ័សនិងត្រឹមត្រូវដែលអាចទុកចិត្តបានសម្រាប់អ្នកជំងឺនិងវេជ្ជបណ្ឌិតគឺជាកោលដៅរបស់ខ្ញុំ។