បើនិយាយកាលពីពេលមុនខ្ញុំចូលធ្វើការនៅមន្ទីរពេទ្យជប៉ុនសាន់រ៉ាយស៍ ខ្ញុំមានក្ដីស្រម៉ៃមួយគឺ ខ្ញុំចង់បំរើការងារនៅមន្ទីរពេទ្យដែលមិនត្រឹមតែផ្តល់ការងារឱ្យខ្ញុំប៉ុណ្ណោះទេ ប៉ុន្តែថែមទាំងជាមន្ទីរពេទ្យដែលមានគុណភាពល្អ ដែលមានផ្នត់គំនិតក្នុងផ្តល់ការអប់រំល្អៗដល់បុគ្គលិកគ្រប់រូប។ ហើយពេលនេះខ្ញុំ ឃើញថា មន្ទីរពេទ្យជប៉ុនសាន់រ៉ាយស៍ភ្នំពេញ គឺជាកន្លែងល្អបំផុតដើម្បីសំរេចក្តីសុបិន្តរបស់ខ្ញុំ និងជួយលើកកំពស់សុខមាលភាពប្រជាជនរបស់ខ្ញុំ។

បន្ទាប់ពីខ្ញុំបានចូលបម្រើការងារនៅមន្ទីរពេទ្យជប៉ុនសាន់រ៉ាយស៍មក ខ្ញុំមានអារម្មណ៍ថាកន្លែងនេះមិនត្រឹមតែជាកន្លែងធ្វើការ ឬបង្កើនចំណេះដឹងប៉ុណ្ណោះទេប៉ុន្តែទីនេះហាក់បីដូចជាក្រុមគ្រួសាររបស់ខ្ញុំដែរ។ថ្នាក់ដឹកនាំបានជម្រុញខ្ញុំ មិនត្រឹមតែធ្វើជាបុគ្គលិកអាជីពប៉ុណ្ណោះទេ ប៉ុន្តែក៏ជាគូប្រជែងផងដែរដើម្បីក្លាយជាអ្នកដឹកនាំ។ លើសពីនេះទៅទៀតពួកគេជំរុញ គាំទ្រខ្ញុំទាំងផ្លូវកាយកាយនិងផ្លូវចិត្តក្នុងការបមពេញការងារ ក៏ដូចជាការរៀនសូត្រ។
គោលដៅរបស់ខ្ញុំក្នុងឆ្នាំនេះគឺ ខ្ញុំចង់មានសម្ថភាពគ្រប់គ្រងផ្នែករបស់ខ្ញុំអោយបានល្អដើម្បីក្លាយជាអ្នកដឹកនាំនិងបន្តធ្វើឱ្យប្រសើរឡើងនូវជំនាញជាគ្រូពេទ្យសង្រ្គោះបន្ទាន់ និងថ្នាំសណ្ដំអោយកាន់តែប្រសើរឡើងក្នុងពេលខាងមុខនេះ។